وبعدين يا قلبي معاك؟

وبعدين معاك يا قلبي
مُصر تاني تعذبني
وتجرح فيُ و تتعبني
مش كنا اتقفنا انا و انت
منسيبش غريب يدخل بينا
ليه دلوقتي قلتلي استني
الغريب ده اقربلِك مني
يا قلبي مش عايزاه كفايه
اللي حصلي قبل كده وكانت النهايه
مضيت انا و انت علي عقدالاحزان
و عشنا ألم و دموع و اشجان
نسيت يا قلبي ولا ايه
انت كنت نسيت افكرك بالي جرالك فيه
كنت عايش حياتك وحيد
فجأه لقيته جالك من بعيد
وقرب منك ومد لك الايد
اللي كنت محتاجها و اصبحت سعيد
و عشت طايرفي اعلي السموات
والقمر و النجوم صاحبوك الوقت اللي فات
وكان فرحك مالوش حدود
و عشت دنيا جميله مليانه ورود
و ضحكت و عشت اجمل ايام
و نمت و حلمت احلي احلام
وفجأه ......
صحيت بصيت و لقيت نفسك في اوهام
الايد اللي كانت ماسكاك و طايره بيك
فجأه سابتك و لقيت نفسك
وحدك ........و عشت اصعب ايام
و كنت بتموت ليالي و ايام
و اصحابك القمر و النجوم
زي ماكانوا معاك في اجمل الاحلام
كانوا معاك برضه في اشد الالآم
وشافوك و الدموع مش مفارقاك
وحسوا معاك بمراره جرحك
و بكوا معاك وحسوا بيك
بعد مكنت طاير لفوق
فجأه بقيت وسط الشقوق
الزمن كان آسي عليك اوي
وانت يا قلبي كنت ضعيف اوي
و سلمت نفسك للي مقدرش مشاعرك
وساابك وهجرك و رجعت وحدك
وبعد دا كله عاوز تدق تاني
لا يا قلبي انا مش ناقصه وجع
كفايه ارجوك مش عايزه تاني
اهدا يا قلبي وسيبني اعيش
احسن المره الجايه متلاقينيش
وساعتها تبطل تدق و لا تعيش

اتمنى اعرف رايكم

» انا اسير معاك واهديك