حكاية قـبــل النــوووووم ومتعة كل يوووووم

الــمـــــــلاك اللـي صـحــي جــــورج علـشــان يصــلي

جورج طفل أمور صغير عنده 4 سنين وفي يوم من الأيام نام علي السرير جنب باباه

وفي نص الليل قام جورج من النوم علشان يصلي حوالي دقيقتين وبعدين نام تاني

الصبح باباه سأله وقال له : إيه اللي حصل إمبارح حسيت بيك لما قمت من النوم ياحبيبي

جورج قال له إن الملاك جه وصحاه من النوم وقال له : كده ياجورج تنام من غير صلاة؟

علشان كده يابابا أنا قمت صليت ورجعت نمت تاني

القصة دي ياحبايبــي ياحلوين تعرفنا إن الملاك الحارس بيساعد الأطفال علي الصلاة ومحبة ربنا يسوع المسيح

وعارفين كمان ؟ الملاك الحارس بيبقي معانا من ساعة المعمودية زي ما أبونا بيقول في صلاة المعمودية

يارب خلي ملايكة النور تصاحبنا وتكون معانا طول حياتنا

وفي القداس كمان الملايكة بيحضروا يصلوا معانا واحنا معاهم زي ما نكون في السما وبنقول

فلنسبح مع الملائكة وكمان قدوس قدوس قدوس رب الصباؤوت

ولكل ذبيحة قداس ملاك ولكل كنيسة ملاك حارس

وعلشان كده ياحبايبي بنعمل عيد للملايكة كل يوم 12 من الشهر القبطي

شفاعتهم تكون معانا يارب أمين

تـــــدريـــــــــب لأطفالي الحلوين : ياريت ياحبايبي دايما نصاحب الملاك الحارس بتاعنا ومانزعلوش بالحاجة الوحشة اللي بنعملها علشان هو بيبقي فرحان طول مااحنا بنعمل حاجات حلوة تبسط ربنا

شكرا على القصة الجميلة دى
بجد كخدام وخادمات محتاجين القصص دى
ياريت لو حد عنده نصوص لمسرح عرايس يتفضل و يبعتها لانها بتوصل القصص دى بصورة جميلة ومبسطة تشد انتباهم

شكرا مريم ليكى و انشاء الله يكون فيه قسم للمسرح الكنسى و قسم للخدمة بأذن المسيح

» فيبى وعماد فى حكاية الميلاد - ابونا بيشوى صدقى