اسامحها ولا لأ

تجربة عشت فيها ومش عارف اخد قرار
فقولت اخد رائيكم لأنكم اخواتي الكباار
اللي هتسعدوني بردودكم وترحموني من الناااار
ومن عزاب شوفته ومن شرب المراااار

في يوم حبيت واحده كانت حلوة وجميلة
سحرتني بضحكتها ليا وبروحها النبيله

قربت ليها وحبيتها وقولت اخيرا لقيتها
واي حاجه وحشة في حياتي هي خلتني نسيتها
ده كفايه عليا سؤالها وكفايه اشوف ضحكتها

مش هطول عليكم وهدخل في الموضوع
قصة حب جميلة عشناها علي ضووء الشموع
ماتت في ثواني وانتهت في اقل من اسبوع
مبقتش عارف اشوف قدامي من كتر الدموع
حتي لو حنت ليا من تاني فمش هقدر علي الرجوع

بصوا ياجماعه هفهمكم الموضوع بالراحه
محتار ازوء كلامي ولا اكلمكم بصراحه

انا هقول علي كل اللي جوايا وكلامي هيكون شديد
لما انا حبيتها كان هو واقف بعيد
شافني وانا بحبها ركبه ميت عفريت
سحرها بكلامه ليها سابتني ومدتله ايد
فضل معاها فترة وبينلها انه سعيد
ومشاعره الحقيقية ليها متجمدة زي الحديد
خدعها بحواديت وقصص وخداعه دايماً بيزيد

ولما فاقت من تاني قلتله سيب ايديا
قالتله طالما مش عاوزني ليه ضحكت عليا
خلتني اضحي بحب طار من قدام عنيا
روح منك لله ده جرحك مش شوية

وجاتلي تقولي سامحني انا كنت غبية
ياما قسيت عليك وكنت مفترية
ارجوك ارجع ليا ومتسبنيش وحدي في الدنيا ديا

انا بقيت محتار طب هي من الاول راحتله ليه
قادت في جسمي نار لما لقيت ايديها في ايديه
اسامحها واطاوع قلبي ولا ادوس عليه
حد يجاوبني ياجماعه ويقولي اعمل ايه ؟؟

اولا ازيكو ... عاملين ايه ... ؟ انا لسه جديدة ف المنتدى بس بجد مبسوطة اووووى انى اشتركت معاكم ف المنتدى
وثانيا مبروووووووووووووووك النصر لمصر
المهم ندخل ف الموضوع انا شفت اللى مكتوب ورأيى تسامحها ده ربنا بيسامح احنا البشر مش هنسامح بس قبل ماتسامحها وترجعوا زى الاول اقعد معاها واعرف منها هى ليه عملت كده...؟
ولما تتاكد من توبتها وانها بجد عايزة ترجع ليك وندمانة ع فراقك ليها سامحها ده ربنا بيسامح يبقى لازم نتعلم منه ونسامح
.... انت عارف انا ليه قولتلك تسامحها وترجعلها لانى واثقة انك لسه بتحبها وعايزها يبقى خلاص اسامحها اكيد ...وربنا يخليكوا لبعض ... امين