منتدى البابا كيرلس و الملاك ميخائيل

منتدى مسيحى ارثوذكسى 
الرئيسيةالبوابةبحـثالتسجيلدخول</a><hr>

شاطر | 
 

 خلى بالك .. فى حد مش عايزك تقرا الكلام ده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المدير العام
المدير العام
avatar

ذكر
عدد الرسائل : 1353
العمر : 31
العمل : خادم للرب
تاريخ التسجيل : 27/08/2007

مُساهمةموضوع: خلى بالك .. فى حد مش عايزك تقرا الكلام ده   الأربعاء أغسطس 29, 2007 10:00 pm

تقريباً كلنا قابلنا الشخص دا في يوم من الأيام .. ويمكن نكون فقدناه لأننا معرفناش نتعامل ازاي معاه

الشخص دا عايش جواك ونفسه يكون صاحبك .. الشخص دا بيحبك أكتر منك .. ودا منطقي جداً لما تعرف إن الشخص دا هو الروح القدس

لأن الله بيعرف كل حاجة عني أكتر من أهلي .. أكتر من اصحابي وحتى أكتر مني

مبسوط لو أنا مبسوط وموجوع لو أنا موجوع .. بيعرف لما أكون وحيد وماليش أصحاب في الدنيا .. بيكون هو صاحبي

بس ازاي نعرف نبني الصحوبية دي وننميها مع العلم إنه مش مرئي ومش بيتكلم بصوت عالي زينا .. كمان ملوش e-mail ولا موبايل عشان نتكلم معاه ؟؟؟؟

ازاي نبقى أصحاب أنا وانت وارتبط بيك بجد وأنا مش شايفك ولا سامعك ؟

عشان كده لو عايز تعرف ازاي تبني العلاقة المهمة أوي دي والوحيدة اللي هتدوم العمر كله .. تبقى محتاج تعمل بانتظام 3 حاجات مهمين .. وهما ( أ - ب) العلاقة مع الله.. لو قدرت تضيف الـ 3 عادات دول لحياتك بصفة مستمرة هتروح بالصحوبية دي لأماكن عمرك ما روحتها قبل كدا .. وهتشوف حاجات عمرك ما شوفتها.. هتحس سلام عمرك ما كنت تتخيل إنه ممكن يكون موجود أصلاً على الارض

طيب دلوقتي (أ - ب) التعامل مع الروح القدس هما : اطلب – اتنفس – شارك
أطلب

مبدئياً ربنا عمره ما هيجبرك إنه يكون له علاقة وصحوبية معاك بالعافية .. إنت حر تختار تعيش معاه ويملاك .. أو ببساطة تكتفي بنفسك وتكمل الحياة لوحدك كدا .. لكن لازم تاخد بالك من حاجة إنك تعيش الحياة من غير الله دا أسوأ قرار هتاخدوا في حياتك


الروح القدس موجود من زمان (من الأزل) وعارف إننا كبشر مش بنعرف نعيش لوحدنا .. وكمان مش بنعرف نعيش حياة فيها محبة من غيره وعشان كدا مكتوب في الكتاب المقدس " ولا تسكروا بالخمر الذي فيه خلاعة بل امتلئوا بالروح " أفسس 18:5


المقصود هنا إنك تطلب الملء بالروح القدس في حياتك .. اطلب توجيه وإعانة .. حماية وترس .. اطلب عمق في العلاقة


اطلب .. اطلب .. اطلب واطلب تاني .. إفضل اطلب واسأل تاني لأنك كل مرة بتغلط بتختار إنك تطفي الروح القدس وحضوره جواك .. ودا بيوصلك للحاجة التانية اللي هي :


إتنفس

أكيد النفس حاجة طبيعية لكل الناس لكن المطلوب هنا التنفس الروحي .. طب ازاااااااااااااااااااااااااااي؟


لما تحس إنك عكيت خرج كل اللي جواك (اعتراف) بصورة زفير .. ربنا قالنا وعد " إن اعترفنا بخطايانا فهو أمين وعادل حتى يغفر لنا خطايانا ويطهرنا من كل إثم " 1يوحنا 9:1

في اللحظة اللي تحس فيها إنك غلطان وعملت خطية .. ببساطة قول لأبوك اللي في السما عنها واعترف بيها ودا مش عشان هو مش عارف إنك عملتها لكن عشان يكون إعلان منك بيها وخد بالك كل ما ماطلعتش الزفير دا أكتر كل ما القوة اللي في حياتك هتضعف

وبما إنك بتطلع زفير يبقى لازم في شهيق (إنك تاخد نفس مكان اللي خرج) وهنا ربنا هو اللي بيدي الشهيق دا ويملا حياتك تاني والعلاقة تكبر أكتر .. بس هي بتكبر عن طريق أخر حاجة اللي هي :

شارك

الشركة دي من أمتع الحاجات في العيشة مع ربنا وهيا نتيجة اطلب واتنفس .. من خلال كلمة الله وانك تاخد وقت معاه هتقدر تفهم أفكاره وتحس بقلبه .. هتكون علاقة متبادلة بين صاحب وصاحبه اللي مش شايفه ولا سامع صوته .. هتكون أقوى علاقة ليك على الأرض لأنها مع يسوع اللي عايش جواك بالروح القدس


أكيد دلوقتي فهمت مين اللي مش عايزك تقرا الكلام ده
ويهمه قوي إنك متكملش العلاقة دي


+

أذكروني في صلواتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kiroloc.ahlamontada.com
نوسة+++
عضو مكافح
عضو مكافح
avatar

انثى
عدد الرسائل : 118
العمر : 29
العمل : طالبة جامعية
البلد : القراءة
تاريخ التسجيل : 17/11/2007

مُساهمةموضوع: رد: خلى بالك .. فى حد مش عايزك تقرا الكلام ده   السبت يوليو 26, 2008 9:12 pm

رائع رائع رائع جدا

مرسى كتيرررررررر

ربنا يبارك خدمتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مريم
عضو نشيط
عضو نشيط
avatar

انثى
عدد الرسائل : 33
العمر : 29
العمل : طالبة طب
تاريخ التسجيل : 05/08/2008

مُساهمةموضوع: رد: خلى بالك .. فى حد مش عايزك تقرا الكلام ده   الإثنين أغسطس 18, 2008 2:33 pm

مش قادرة أقولك كلامك ده عمل فىّ ايه......لأنى كنت قاعدة بافكر مع نفسى وأقول ازاى أروح لحضن ربنا

والحمدلله لقيت الاجابة فى موضوعك الأكثر من رائع...الله يعوضك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خلى بالك .. فى حد مش عايزك تقرا الكلام ده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى البابا كيرلس و الملاك ميخائيل :: المنتديات المسيحية العامة :: المرشد الروحى ( كلمة الله التى تؤثر فيك )-
انتقل الى: