منتدى البابا كيرلس و الملاك ميخائيل

منتدى مسيحى ارثوذكسى 
الرئيسيةالبوابةبحـثالتسجيلدخول</a><hr>

شاطر | 
 

 ليه القطط بتجرى ورا الفئران ؟

اذهب الى الأسفل 
كاتب الموضوعرسالة
yoyo112yoyo
عضو مكافح
عضو مكافح
avatar

عدد الرسائل : 154
العمر : 31
تاريخ التسجيل : 12/11/2007

مُساهمةموضوع: ليه القطط بتجرى ورا الفئران ؟   الخميس نوفمبر 15, 2007 2:34 am

كلنا عارفين ان القطط بتجرى ورا الفيران ؟؟؟..
طبعا احنا اتولدنا ليقينا كده....
فانا ماسكتش لكن قعدت اسال وا ادور علشان اعرف ايه السبب وطبعا كانت ردود غريبه جداو ما تتصدقش لحد مالقيت السبب الحقيقى ....
اتارى الموضوع ده قديم قوى من الاف السنين فى احدى الغابات..........

كان فى قط متجوز قطه " شىء طبيعى " بس القطه مراته كانت مطلعه عينه
" شىء طبيعى برضوا "وقرفاه فى عيشته وكل يوم منكده عليه ومفرجه عليه حيوانات الغابه كلها
وفيوم كانت الخناجه جامده لدرجه ان القط قال لمراته انا خلاص مابقتش طايق العيشه بسببك
انا خلاص هاسيبلك الدنيا وانتح ر
" استنى رايح فين خد تعالى هنا "
وطلع القط وهو متنرفز والدنيا سوده حواليه وناوى ينتحر
وهو مواشى فى الغابه سمع الناس بتجرى من الاسد
" اصل الاسد ملك الغابه معدى وده شرانى قوى ومحدش يقدر عليه واللى بيشوفه فى وشه يبقى البقيه فى حياته علشان كده الحيوانات بتجرى "

القط :" الاسد ياعنى هى ناقصاه هو التانى "
وكمل المسيره وطنش لحد ما بص لقى الاسد فى وشه
.الاسد : " الله الله ماشى سيادتك ولا هامك انت مش عارف انى معدى "
" طب وايه ياعنى "
ايه ياعنى انت اتجننت
وساعتها افتكر القط المدام واللى بتعمله فيه وقال فى نافسه طب مانا كده كده رايح انتحر
القط : " بقولك ايه اطلع من دماغى لاحس يبقى ده اخر يوم فى عمرك " ده الفار اللى بيتكلم "

الاسد " انت بتتحدانى"
القط "اه"
طيب اجمع الغابه كلها ونشوف مين فينا اللى هايموت النهارده..
اتلمت الغابه كلهاالقط بيتحدى الاسد
وابتدت المعركه والقط مش شايف غير مراته واللى بيتعمله فيه1..2...3...4....
اه..اى..خد..حاسب..
......
انت فاشل...مامنكش فايده...اانا فاشل طب خدى..
بقى انتى تقولولى كده طيب خدى..ّّ
طــــــــــــــــــــــاخ
وقـــع الاســــد ميـــــت
القط موت الاسد


الغابه كلها فرحت الاسد مات وقرروا يخلوا القط ملك الغابه بدل الاسد
واصدروا فرمان باللى حصل ويستوجب احلال الاسد من منصبه ورسم القط ملكا للغابه
...
واخدوا الفرمان ده وقعدوا يلفوا على الغابات اللى جنبيهم وبالفعل كل الغابات اللى راحوها نفزت الفرمان

وهما مسافرين رايحين لغابه جنبهم قابلهم نهر كبير
وطبعا القطط مابتعرفش تعوم كويس
فدورا لقيو فار معدى فاخدوه و ادوله الفرمان يشيلو ويعدوى بيه النهر
وبالفعل عدى الفار ووراه القطط فى النهر

وفجاه
جت موجه شديده
والفار تاه بالفرمان لذلك القطط بتجرى ورا الفيران
بحثا عن الفرمان


منقول
...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
المدير العام
المدير العام
avatar

ذكر
عدد الرسائل : 1353
العمر : 32
العمل : خادم للرب
تاريخ التسجيل : 27/08/2007

مُساهمةموضوع: رد: ليه القطط بتجرى ورا الفئران ؟   الخميس نوفمبر 15, 2007 6:45 pm

هههه قصة حلوة اوى شكراا ليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kiroloc.ahlamontada.com
 
ليه القطط بتجرى ورا الفئران ؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى البابا كيرلس و الملاك ميخائيل :: المنتدى الاجتماعى :: صندوق مناقشات الاعضاء-
انتقل الى: